Бірінші жартыжылдықта 220 мың тоннаға жуық полипропилен өндірілді, 13 маркасы игерілді.
фото: Пресс-служба АО "НК "КазМунайГаз"
ERNUR.KZ. 2025 жылдың басынан бері "ҚазМұнайГаз" ұлттық мұнай-газ компаниясы басқаратын мұнай өңдеу зауыты 9 млн тоннаға жуық мұнай өңдеді, деп жазады sputnik.kz.
Компания мұнай өңдеу және мұнай-химия зауыттарының жұмысын қорытындылады.
Мұнай өңдеудің жалпы абсолютті көлемі 8,83 млн тонна болды, бұл 2024 жылдың сәйкес кезеңімен салыстырғанда 685 мың тоннаға артық", - делінген компания хабарламасында.
Зауыттар 6,84 млн тоннаға жуық жеңіл мұнай өнімдерін (бензин, дизель және авиаотын, сондай-ақ басқа да түрлері) өндірді, бұл өткен жылғы көрсеткіштен 893 мың тоннаға (4,44%) артық, деп толықтырды "ҚазМұнайГаз".
Бұл ретте үш МӨЗ-де өңдеудің жиынтық тереңдігі 89,61%-ке жетті, ал жеңіл мұнай өнімдерінің шығымы 77,53% -ті құрады. Ал технологиялық отынды жағу және қайтарымсыз шығындар көлемі 0,78% немесе 7 333 тоннаға азайды.
Атырау мұнай өңдеу зауыты 2,89 млн тоннаға жуық мұнай өңдеді.
Ұлттық компания биылғы жылдың 1 мамырынан бастап зауыт мұнай өңдеу тарифін тоннасына 54,45 мың теңгеден 47 мың теңгеге дейін төмендеткенін айтты.
"Кредиттік міндеттемелерді өтеу кестесін оңтайландыру есебінен қол жеткізілген шешім нарықтың барлық қатысушысы үшін экономикалық жағдайды теңестіруге ықпал етеді", - деп есептейді "ҚазМұнайГаз".
Павлодар мұнай-химия зауыты шамамен 2,87 млн тоннаны қайта өңдеп, өңдеу тереңдігі бойынша ең жоғары көрсеткіштерге — 91,81% жетті. Павлодарда өндірілген жеңіл мұнай өнімдерінің үлесі 73,44%.
Шымкент МӨЗ (ПетроҚазақстан Ойл Продактс, ПКОП) 3,07 млн тоннаға жуық өңдеп, жалпы көлемге ең көп үлес қосты. Кәсіпорында ашық түсті мұнай өнімдерінің шығу көрсеткіші 81,72%, өңдеу тереңдігі — 88,14%.
"ПҚОП алдына қуаттылықты 12 млн тоннаға дейін кеңейту бойынша инвестициялық жобаны іске асыруды жеделдету міндеті қойылды", - деп атап өтті ұлттық компания.
Caspi Bitum жаңартуды аяқтады
Кәсіпорынның қуаттылығы қазір 1,5 млн тоннаға дейін мұнай өңдеуге және жылына 750 мың тонна битум шығаруға мүмкіндік береді.
Зауыт іске қосылған сәттен бастап екі ай ішінде 216 мың тоннадан астам мұнай өңдеп, республика жолшылары үшін 78 мың тоннадан астам битум өндірді.
"Бірінші жартыжылдықта 220 мың тоннаға жуық полипропилен өндірілді, 13 маркасы игерілді", - делінген хабарламада.
Қазақстанда жыл басынан бері полипропилен нарығы 28%-ке өсті.
![](/assets/thumbnails/8a/8a40653fbcf1224dbda4dfc2780598ca.jpg ""Күйеуім партнер болам деп талып қалды": бес баланың анасы босанған сәтіндегі оқиғасын айтып берді")
