Қазақстанда электрмобильдерді зарядтау 1 желтоқсаннан бастап қымбаттауы мүмкін

ERNUR.KZ. 1 желтоқсаннан бастап Қазақстандағы электр қуаттау станцияларының иелері үшін жабдықтарды метрологиялық бақылау бойынша жаңа талаптар енгізіледі. Бұл бизнестің шығындарын арттырып, тұтынушылар үшін тариф құнына әсер етуі мүмкін. Бұл туралы депутат Олжас Нұралдинов мәлімдеді, деп жазады tengrinews.kz.

Мәселе неде?

Олжас Нұралдиновтың айтуынша, 1 желтоқсанда күшіне енетін жаңа талаптар қуаттау станцияларының операторлары үшін қосымша шығын әкеледі.

Енді мемлекет электромобиль алатын электр энергиясының көлемін ғана емес, сонымен қатар кернеуді, ток күшін және қуаттау уақытын да бақылайтын болады. Нарық қатысушыларының сөзінше, қуаттау станцияларының бір түрін немесе партиясын тексеру және сертификаттау шамамен екі миллион теңгеге теңгені құрайды.

"Бизнестің қосымша шығындары сайып келгенде тарифке қосылуы мүмкін. (...) Кернеудің, ток күшінің және қуаттау уақытының дұрыстығы іс жүзінде қалай тексерілетіні әлі де түсініксіз. Соған қарамастан, талап қабылданып қойған және оның күшіне ену мерзімі белгіленген", – деді ол.

Депутаттың айтуынша, тексеру жүргізу тәртібі әлі толық айқындалмаса да, бизнес жаңа тексерістер үшін ақы төлеуге міндетті болып отыр. Халық қалаулысы: "Осы белгісіздіктің кесірінен кәсіпкерлер неге қосымша шығынға батуы керек?" деген сұрақ қояды.

"Мысал ретінде қарапайым жанармай құю станциясын алайық. Мемлекет тұтынушының қанша литр отын алғанын бақылайды. Бірақ бензиннің бакқа қандай жылдамдықпен құйылатынына және жанармай құюдың неше минутқа созылатынына ешкім бөлек метрологиялық бақылау орнатпайды", – деп түсіндірді депутат.

"Электромобильдерде жағдай күрделірек"

Алайда Нұралдинов атап өткендей, электр қуаттау бекеттерінде жағдай әлдеқайда күрделі. Әртүрлі электромобильдер әртүрлі қуатты қабылдауы мүмкін: бірі тезірек, екіншісі баяу қуатталады.

"Тіпті бір көліктің өзі аккумулятордың температурасына, оның қуат деңгейіне және батареяның күйіне байланысты әртүрлі уақытта әртүрлі қуат қабылдайды. Нәтижесінде операторға өзі толық бақылай алмайтын параметрлерді тексеру бойынша қосымша шығындар жүктеледі", – деді ол.

Депутат не ұсынды

Нұралдинов өзінің депутаттық сауалында жаңа талаптарды қайта қарауды және негізгі назарды тұтынушының іс жүзінде алған электр энергиясының көлемін тексеруге қалдыруды ұсынды.

Сондай-ақ ол қуаттау станцияларын тексерудің түсінікті ережелерін әзірлеуге және жаңа талаптардың тұтынушыларға қандай пайда әкелетінін, сонымен қатар бизнестің қосымша шығындарын ақтайтын-ақтамайтынын түсіндіруге шақырды.

Депутат бұл мәселелерді жаңа талаптар күшіне енгенге дейін шешуді сұрады.

Бұған дейін біз 2026 жылдың 1 желтоқсанынан бастап Қазақстанда электр қуаттау станциялары үшін жаңа талаптар енгізілетінін жазған болатынбыз. Электромобильдерді қуаттау кезіндегі электр энергиясының көлемін өлшейтін жабдықтар міндетті тексеруден өтуі тиіс.