Қазақстанда жуғыш және тазартқыш заттар қымбаттады

Жуғыш заттарға, тазартқыш құралдарға, сондай-ақ жеке заттарға арналған бөлшек сауда бағасы бір жыл ішінде 7,7-17,6 пайызға өсті, деп хабарлайды ERNUR.KZ.

Ranking.kz. порталының мәліметінше, 500 граммнан тұратын жуғыш заттың бағасы орта есеппен 17,6 пайызға, яғни 527 теңгеге дейін қымбаттады.

Кір сабын 12,3 пайызға қымбаттады, 200 грамм үшін 143 теңгеге дейін. Тіс пастасы (75 миллилитр) және сусабын (150 миллилитр) сәйкесінше 10,9 және 9,8 пайызға 539 және 450 теңгеге дейін қымбаттады. Иіс сабын 7,7 пайызға қымбаттап, 240 теңгені құрады.

Сондай-ақ, сәуірде бұл тауарлардың бағасы орта есеппен Қазақстанда 1,5–3,6 пайызға өсті деп хабарлайды.

Тіс пастасы бір айда орта есеппен 1,7 пайызға қымбаттады. Қазақстанның ірі қалалары мен мегаполистерінің ішінде бұл ең көп Семейде сезіледі: - 5,6%. Сусабын елде 2 пайызға, ал Түркістанда 9 пайызға қымбаттады. Кір жуғыш ұнтақ орта есеппен 1,5 пайызға, ал Ақтауда 7,7 пайызға қымбаттады.

Кір сабын сәуірде Қазақстанда орташа есеппен 3,6 пайызға қымбаттады. Сонымен қатар, бағаның едәуір көтерілуі Талдықорғанда байқалды - бірден 17,7 пайызға.

Иіс сабыны 1,8 пайызға қымбаттады. Таразда - 6,3 пайызға. Балаларға арналған сабын ең көп Шымкентте (8 пайызға) өсті, ал елде орташа бағаның өсуі 2,9 пайызды құрады.