Қазіргі уақытта санитариялық-эпидемиологиялық қызмет білім беру ұйымдарының жаңа оқу жылына дайындығын бақылауды жалғастырып жатыр.
Мемлекеттік бақылаудың ерекше тәртібі аясында қабылданған шаралардың нәтижесінде биылғы 7 айдың қорытындысы бойынша білім беру нысандарына байланысты тіркелген тамақтан улану жағдайларының саны азайды. Бұл туралы ОКҚ алаңында өткен баспасөз конференциясында ҚР Денсаулық сақтау министрлігі Санитариялық-эпидемиологиялық бақылау комитетінің төрағасы Сархат Бейсенова мәлімдеді.
Оның айтуынша, жыл басынан бері мұндай жағдайлардың саны өткен жылдың сәйкес кезеңімен салыстырғанда 8-ден 2-ге дейін, ал зардап шеккен балалар саны 118-ден 13-ке дейін төмендеген.
Қазіргі уақытта санитариялық-эпидемиологиялық қызмет білім беру ұйымдарының жаңа оқу жылына дайындығын бақылауды жалғастырып жатыр.
«Осыған байланысты білім беру ұйымдарының басшылары мен жергілікті атқарушы органдарға жүгінемін. Берілген барлық нұсқамалардың толық әрі уақтылы орындалуын; қаржыландыруды қажет ететін бұзушылықтарды жою үшін қаржы көздері мен нақты мерзімдерді айқындауды; ғимараттар мен инженерлік коммуникацияларды қауіпсіз пайдалануды; жылыту, сумен жабдықтау және желдету жүйелерінің жарамды болуын; ас блоктары мен медициналық пункттердің санитариялық-эпидемиологиялық талаптарға сәйкестігін; қажетті рұқсат құжаттарының болуын; жаңа тамақтану стандартының талаптарын сақтауды; нысандардың санитариялық жағдайына тұрақты бақылау жүргізуді қамтамасыз ету қажет», – деді спикер.
![31 тамызда](/assets/thumbnails/32/32e199d8df4f85c2104483c8965b6614.jpg "31 тамызда "Ұмай" бағдарламасына өтінім қабылдау басталады")
