Аурудың салдары А гепатитіне әкеп соғады.
ERNUR.KZ. Қазақстан премьер-министрінің орынбасары Тамара Дүйсенова халықты қызылшаға қарсы егудің маңыздылығы туралы ақпараттандыру жұмыстарын күшейтуді тапсырды, деп жазады sputnik.kz.
"Егер адамдар вакцинациядан бас тартса, онда ақпараттандыру жұмыстары нашар жүргізілген. Денсаулық сақтау министрлігі жергілікті әкімдіктермен бірлесіп, осы бағыттағы жұмысты күшейтуге тиіс", - деді Дүйсенова үкіметте өткен отырыста.
Іс-шарада еліміздегі санитарлық-эпидемиологиялық ахуал талқыланды.
Сондай-ақ бұл жағдай туралы денсаулық сақтау министрінің орынбасары – бас мемлекеттік санитарлық дәрігер Айжан Есмағамбетова баяндады. Оның айтуынша, қызылша ғана емес, сонымен қатар А гепатитімен инфекцияның көбеюі алаңдаушылық туғызып отыр. Мысалы, қызылша еліміздің барлық өңіріне әсер етті. Ең көп жұқтырғандар Шымкент пен Алматыда.
"Осыған байланысты жергілікті атқарушы органдар, сондай-ақ Астана, Алматы және Шымкент қалаларында қызылшаға қарсы қосымша жаппай иммундауға дайын болуға тиіс", - деді Есмағамбетова.
Кеңесте емдеу мекемелерін тексеру нәтижелері де айтылды. Бірқатар денсаулық сақтау нысанында ауруханаішілік инфекциялардың алдын алу бойынша талаптар сақталмағаны анықталды. Кейбіреулерінде дезинфекциялық-зарарсыздандыру режимі бұзылған, ал басқаларында жеке қорғаныс құралдарымен жарақтандыру жеткіліксіз.
Дүйсенова денсаулық сақтау мекемелері уақытылы қаржыландырылатынын атап өтті. Ол егер мәселе шешілмесе, жекелеген объектілердің қызметін тоқтата тұру туралы мәселені қарастыру керек екенін ескертті.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
