Жобаның жалпы сомасы 87 миллион рубльді құрайды, оның 74 миллионға жуығы несиелік құрамдас бөлік болып табылады.
ERNUR.KZ. Еуразиялық экономикалық комиссия Кеңесі ЕАЭО-да өнеркәсіптік кооперацияны қаржылық қолдауды жүзеге асыру аясында екінші жобаны мақұлдады, деп жазады ЕЭК баспасөз қызметі.
ЕАЭО-да ауыл шаруашылығы машиналарын жасау саласында жаңа өндіріс тізбегін қалыптастырған Беларусь, Қазақстан және Ресейдің үш кәсіпорнына көмек көрсетіледі.
"Бұл Қазақстан Республикасының аумағында ауыл шаруашылығы комбайндарына арналған кабиналарды толығымен оқшаулауға қатысты болып отыр. Жобаның жалпы сомасы 87 миллион рубльді құрайды, оның 74 миллионға жуығы несиелік құрамдас бөлік болып табылады және комиссияның механизмі аясында бөлінетін субсидиялар сомасы шамамен 34-35 миллион рубльді құрайды, бұл қарыз алушыға жылына небәрі 3 пайыз көлемінде несие алуға мүмкіндік береді", - деді ЕЭК өнеркәсіптік саясат департаменті директорының орынбасары Георгий Арзуманян.
Директор орынбасарының айтуынша, ЕАЭО-ға мүше үш мемлекеттің компаниялары қатысуда.
"Бұл Қазақстан Республикасынан "Қазөсім Инжиниринг" компаниясы, Беларусь Республикасынан "Куво" және "Салео" екі кәсіпорны және ресейлік кәсіпорын "Ростсельмаш" зауыты. Біз, біріншіден, комбайндар өндірісін жылына 700 бірліктен 1000 бірлікке дейін арттыруды, 50-ге дейін жаңа жұмыс орындарын құруды, бюджетке қосымша түсімдерді және Одақ мемлекеттері ішінде 30-40 миллион рубль шегінде өзара инвестицияларды арттыруды күтеміз", - деді Георгий Арзуманян.
![](/assets/thumbnails/01/017106995f0e28e9283772728bc2508f.jpg ""27 жасыма дейін анамды жек көріп келдім"")
