Бастамашыл топ республикалық референдум өткізу туралы Орталық сайлау комиссиясына жүгінген.
Қазақстанда бастамашыл топ сайлау және партияларды тіркеу туралы заңды өзгерту мәселелері бойынша референдум өткізуді ұсынған еді. Орталық сайлау комиссиясы референдум өткізуден бас тартты, деп хабарлайды ERNUR.KZ ОСК-ның баспасөз қызметіне сілтеме жасап.
22 қарашада Орталық сайлау комиссиясының отырысы өтіп, онда азаматтар тобы референдумға ұсынған бастамашыл топ пен мәселелерін тіркеу құжаттары қарастырылған.
«Республикалық референдум туралы» 1995 жылғы 2 қарашадағы Қазақстан Республикасы Конституциялық заңының талаптарына сәйкес референдумның бастамашыл тобының құрылғаны туралы куәландыратын нақты деректердің болмауына байланысты референдумның бастамашыл тобын және ол референдумға ұсынған мәселелерді тіркеуден бас тартылсын», - делінеді хабарламада.
Еске сала кетсек, 20 қарашада республикалық референдум өткізу туралы бастамашыл топ Орталық сайлау комиссиясына жүгініп, референдум өткізуді ұсынған болатын.
