Пәтерде газ баллонын пайдаланғандарға айыппұл салынады

Тұрғын үй саясаты басқармасының лифт, газ және қазандық жабдықтарын бақылау бөлімінің бас маманы Динара Жусанбекованың айтуынша, олар газ жабдықтарын, қазандарды, баллондарды және қысыммен жұмыс істейтін ыдыстарды әлеуметтік инфрақұрылым объектілерінде пайдалану қауіпсіздігі бойынша айлықтарды үнемі өткізіп тұрады. Мысалы, 2021 жылдың 11 айында 70-тен астам базар, 78 СОСО және 1160-тан астам қоғамдық тамақтану объектілері тексерілген. Алматының 383 қоғамдық тамақтану нысандарында газ баллондарын сақтау ережелері бұзылған.

Өткен жылы ТКБ қызметкерлері мегаполистің көп қабатты үйлеріндегі газ баллондарын пайдалану бойынша жоспардан тыс 15 тексеру жүргізіпті. Нәтижесінде 48 мың теңгеден астам айыппұл түріндегі әкімшілік жауапкершілікке 5 тұрғын тартылған. Еске салсақ, ҚР-да көп қабатты тұрғын үйлерде тұрмыстық газ баллондарын сақтауға және пайдалануға тыйым салынған.

Біз Алматыда газды пайдалануға байланысты жазатайым оқиғаларды болдырмау бойынша қабылданып жатқан шараларға қарамастан, қоғамдық тамақтану объектілері мен сауда базарларында басшылық пен персонал тарапынан немқұрайлылықты көріп отырмыз. Бұл ғимараттар мен құрылыстардың бұзылуына, сондай-ақ түрлі зардаптарға әкелуі мүмкін, - деп атап өтті Жусанбекова.