Павлодар мұнай-химия зауыты бір айға жұмысын тоқтатады

21.05.2025 11:09

102

Жоспарлы алдын алу жұмыстарына 1100-ден аса адам және мердігер ұйымдардың 107 бірлік арнайы техникасы жұмылдырылады.

фото: Пресс-служба "КазМунайГаз"

ERNUR.KZ. ІІМ: Павлодар мұнай-химия зауыты 2025 жылғы жоспарлы алдын алу жұмыстарына дайындалуда, деп жазады sputnik.kz.

Бұл жұмыстарды 18 маусым мен 17 шілде аралығында жүргізу жоспарланып отыр.

"Қысыммен жұмыс істейтін жабдыққа (110 бірліктен астам), сондай-ақ технологиялық құбырларға (930 бірліктен астам) міндетті техникалық куәландыру және сараптама жүргізу жоспарланған", - деп жазылған хабарламада.

Компания хабарлауынша, жоспарлы алдын алу жұмыстарына 1100-ден аса адам және мердігер ұйымдардың 107 бірлік арнайы техникасы жұмылдырылады.

Осы уақыт аралығында ішкі нарықта жанар-жағармай материалдарының тұрақтылығын сақтау және мұнай өнімдерін жөнелтуді қамтамасыз етіледі. Ол үшін тауар өнімдерінің мынадай қорын жинақтауды жоспарлап отыр:

бензин — 50 000 тонна;

дизель отыны — 25 000 тонна;

авиакеросин — 7 000 тонна.

Бұл мұнай өнімдерін Энергетика министрлігінің жеткізу кестесіне сай ішкі нарыққа жөнелтіп отыратын болады.

Павлодар мұнай-химия зауытындағы жоспарлы алдын алу жұмыстарын жүргізу кезінде Атырау және Шымкент мұнай өңдеу зауыттары мұнай өнімдерін штаттық режимде шығаруды жалғастырады.