Ол жолаушылардың тыныштығын бұзған.
ERNUR.KZ. Астана-Шымкент бағытындағы жолаушылар пойызы Шу станциясына келгеннен кейін желілік полиция бөлімінің қызметкерлері масаң жолаушыны акт бойынша пойыздан түсіріп алды, деп жазады inbusiness.kz.
"Тексеру барысында көлік полицейлері Түркістан облысының 34 жастағы тұрғынын анықтады. Ол қоғамдық орында масаң күйінде болған және түнгі уақытта жолаушылардың тыныштығын бұзған", деді Көліктегі полиция департаменті бастығының бірінші орынбасары Мадияр Айтуғанов.
Құқық бұзушыға ҚР ӘҚБтК-нің 440-бабының 1-бөлігі "алкогольдік ішімдіктерді ішу немесе қоғамдық орындарға масаң күйінде келу", 437-бабының 2-бөлігі "тыныштықты бұзу" бойынша бірден екі әкімшілік хаттама толтырылып, оған 15 АЕК (51 750 тг) мөлшерінде айыппұл салынды.
Полициядағылар аталған азаматшаның бұған дейін тыныштықты бұзғаны үшін әкімшілік жауапкершілікке тартылғанын атап өтті.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
