«Асекең үйленем десе, рұқсатымды беремін»: Бағдат Әшімова

Асанәлі Әшімов қазіргі жұбайымен отау құрған кезде 66 жаста болған. Бағдат Әшімова небәрі 31-де. Жас әрі ата-анасының қарсы болғанына қарамастан, Бағдат Әшімова жанұясынан айырылып, жүрегі жараланған актерге демеу болғысы келген. Ақырында қалауын орындаған. Ал бүгінде жұбайы екінші әйел аламын десе, қарсы емес. Бұл туралы Бағдат Әшімова Нұрсейіт Жылқышыбайдың "Уақыт көрсетеді" бағдарламасына сұхбат берді.

Бағдат Әшімова жас болғанына қарамастан, Асанәлі Әшімовке қалай ғашық болғанын әңгімеледі.

"Сөздің құдіреті ғой. Кітабын бір түнде оқып шықтым. Сол кітапта Асекең ішіндегі жан сырын ақтарған, басындағы қайғысын, жүрегіндегі ащы өкінішін жазған. Сол кітаптағы сөз мені баурап алды. Осы кісіге тірек болайыншы, қолымнан келсе, көзіндегі жасты сүртейінші, жүрегіне қуаныш ұялатайыншы дедім", - дейді Бағдат Әшімова.

Посмотреть эту публикацию в Instagram

Публикация от Жылқышыбай (@nurseiitzhylkyshybai)

Бүгінде екеуінің отау құрғанына 19 жыл толды. Араларында Асанәлі есімді ұл бар. Одан бөлек, актердің балаларынан сүйген немере-шөберелері жетерлік. Бағдат Әшімова актердің өткен өміріне құрметпен қарайтынын айтады. Алдыңғы некелерінен тараған ұрпағын шеттетпей, бауырына басқан.