Саяси дода күні Шымкентте 53 сәби дүниеге келді

Шымкентте 9 маусым - ҚР Президентін сайлау күні 53 сәби дүниеге келді, деп хабарлайды ERNUR.KZ.

Саяси дода өткен күні дүниеге келгендердің басым бөлігі - қыз балалар. Дәрігерлердің сөзінше, қалада 9-маусым күні 29 қыз, 24 ұл бала дүние есігін ашқан.

Cайлау күні дүниеге сәби әкелген азаматшалар да саяси өмірден қалыс қалмады. Олар үшін перзентханаларда сайлау учаскелері жұмыс істеді. Ал бөлмесінен шыға алмаған аналарға жәшік жеткізілді.

Перзентханадағы аналар саяси сайлауға 100 пайыз қатысып, өз таңдауын жасады.