Аудан әкімі отандық өнімдер бірінші қажеттіліктердің қатарында екенін айтты.
Шымкенттегі Абай ауданында ірілі-ұсақты 550-ге жуық шаруақожалық, 31 га жылыжай шаруашылығы бар. Шаруашылықтардың жайымен танысқан аудан әкімі Бұқарбай Парманов алдымен «Алтынтөбе» шаруақожалығына барды, деп хабарлайды ERNUR.KZ.
Шаруақожалықты аралау барысында аудан әкімі ірілі-ұсақты мал бордақылау алаңдарына мемлекеттен берілетін субсидиялар және мемлекеттік бағдарламалар туралы түсіндірді. Отандық өнімдер бірінші қажеттіліктердің қатарында екенін айтып, мемлекеттің қолдайтындығын жеткізіп, жұмыстарына табыс тіледі.
Аталған шаруақожалық қазіргі таңда мал бордақылаумен айналысуда. Онда асыл тұқымды 75 ірі қара және 60-қа жуық жылқы малы бар.
Сонымен қатар, Бұқарбай Парманов «Замира» жылыжай шаруашылығына барып, ондағы өсіріліп жатқан өнімдермен танысты. Жылы жайда 2 га қияр, 2,5 га қызанақ өсірілуде. Бүгінгі таңда жылыжай иесі өнімдерін тек Шымкент қаласына ғана емес, көршілес Түркістан облысына және өзге де өңірлерге сатып жатыр екен.
![Мектепте](/assets/thumbnails/a8/a81812a6683abcb84cf65bebc6967ad0.jpeg "Мектепте "АТА-АНАЛАР КҮНІН" өткізудің маңыздылығы қандай?")
![](/assets/thumbnails/01/019de2508f028fd1a011a76c9d5ff382.jpg ""Байлығына бола тиіп ем, ақшасы бақытты етпеді"")
![](/assets/thumbnails/ec/ecf5f68dc724abad5ec954ff9bf83368.jpg ""Күн өткен сайын тоқал туралы жыры көбейіп барады"")
