Өткен жылдың қорытындысы бойынша 1238 көшеге жарықтандыру жүйесі орнатылып, биыл тағы 1550 көше жарықпен қамтылды.
Өткен жылдың қараша айында Шымкент қаласындағы Тіленшин және Момынов көшелерінде автомобиль өткелін салу жұмыстары басталды.
Бұл жоба теміржол өткелдерін қауіпсіз әрі реттелген түрде ұйымдастыру, сондай-ақ көлік кептелісін азайту мақсатында қолға алынған.
Жоба аясында теміржол үстінен төрт жолақты өткел салу, жаяу жүргіншілерге арналған жолдар мен бағдаршамдар орнату жоспарланған. Құрылыс жұмыстарының аяқталуы 2023 жылдың соңына жоспарланған.
Бұдан бөлек, 2024 жылға дейін 270 шақырымнан астам жол асфальтталуы тиіс. Қазіргі уақытта 201 шақырым жолда жөндеу жұмыстары жүргізіліп жатыр. Жыл соңына дейін тағы 605 шақырым жолды қайта құру жоспарлануда.
Сонымен қатар, өткен жылдың қорытындысы бойынша 1238 көшеге жарықтандыру жүйесі орнатылып, биыл тағы 1550 көше жарықпен қамтылды. Жалпы алғанда, бүгінде қалада 2778 көше жарықтандырылған. Жыл соңына дейін қаланың барлық көшесін толық жарықтандыру жұмыстары жүргізілетін болады.
Аталған жобалар көлік қауіпсіздігін арттырып, қаладағы көше-жол желісінің өткізу қабілетін жақсартуға ықпал етеді, сонымен қатар қала тұрғындарының өмір сүру сапасын жоғарылатуға оң әсерін тигізеді.
![](/assets/thumbnails/66/66c8249adbec00c59db67adc4799788e.jpg ""Бөтен аймаққа келін болсаң...": жас келін босаға аттағалы қандай қиындыққа тап болғанын айтты")
![](/assets/thumbnails/48/4839c3ea6626b4674991b23070500bbd.jpg ""Той жасаймын деп несиеге батып қалды": анасын қарыздан құтқарған азамат мақсатына қалай жеткенін айтты")
