Шымкент қаласы әкімдігі мен Ош қаласының мэриясы арасында 2025–2028 жылдарға арналған екіжақты қатынастарды дамыту және бірлескен бастамаларды іске асыру жөніндегі ынтымақтастық Жол картасы бекітілді. Құжат аясында мәдени-гуманитарлық, экономикалық, инвестициялық және жастар арасындағы жобаларды бірлесе жүзеге асыру көзделіп отыр.
Салтанатты шараға Ош қаласы әкімінің бірінші орынбасары Адилет Шаршеналы уулу, Қырғыз Республикасының Алматы қаласындағы Бас консулы Женишбек Асанкулов, Шымкент қаласы әкімінің бірінші орынбасары Қуаныш Асылов, сондай-ақ қос елдің бірқатар іскер топ өкілдері қатысты.
Консулдықтың ашылуы екіжақты сауда-экономикалық байланыстарды тереңдетуге, инвестиция тартуға, логистикалық жобаларды дамытуға, жастар бастамаларын қолдауға мүмкіндік береді. Құрметті консул болып Талғат Айтбаев тағайындалды.
Ресми делегация Шымкенттің ірі кәсіпорындары – «Alageum Electric», «Aqua Rossa», «Smart Group» өндірістік нысандарын аралап көрді.
Бұл шара – екі бауырлас қалалар арасындағы тату көршілік пен сенімді серіктестіктің жарқын көрінісі.
![](/assets/thumbnails/74/74ca0068d93699c7f1fa8012e93a8e7e.png ""Қиналып туған жоқсың деп ұрсып едім" - жас келіннің енесі айтқан сөзіне өкінетінін жеткізді")
![](/assets/thumbnails/82/827cf3d668a3c7105d89c9c87845547f.jpg ""Ұлың болмағаны емес, ұлыңның анасының болмауы - нағыз трагедия": әйелі қайтыс болған азаматтың жанайқайы")
