ШЫМКЕНТ: Сыбайлас жемқорлыққа қарсы іс-қимыл департаментінің басшысы тұрғындарды күн сайын қабылдап жатыр

Шымкент қаласы Сыбайлас жемқорлыққа қарсы қызметі азаматтарды мәселелері бойынша қабылдауда, деп хабарлайды ERNUR.KZ.

Атап өтсек, Мемлекет басшысы Қазақстан халқына Жолдауында азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру қажеттігі туралы айтқан болатын.

Осыған орай, Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің басшылығы күн сайын азаматтарды қабылдап жатыр. Тиісінше, қабылдау барысында азаматтар өздерінің құқықтарын қорғау, жұмысқа орналасу мәселелері бойынша жүгініп, лауазымды тұлғалардың іс-әрекеттеріне шағымданып, барлық өтініштер бойынша жан-жақты жауаптар беріліп, олардың кейбіреулері басшының жеке бақылауына алынған.

Айта кетейік, 2019 жылдың басынан бері осындай 50-ден астам жеке қабылдау өткізіліп, онда 90-ға жуық өтініш қаралған.