Шымкентте коммуналды тариф бағасы өзгермейді

Бұл туралы Табиғи монополияларды реттеу комитетінің Шымкент қаласы бойынша департаментінің бастығы Д.Қайыңбердиев мәлімдеді.

– Департаменттің тарифтерді реттеу бойынша жүргізген жұмысының нәтижесінде өткен жылы 4 млрд теңге үнемделсе, биыл қысқарған қаржы 2,76 млрд теңгені құрады. Уақытша өтемдік тариф үшін 1 млрд теңге қаралса, төтенше жағдай кезінде 40 млн теңге, жылумен жабдықтау қызметінің құнын қайта есептеуде 65,8 млн теңге кері қайтарылды, - деді Д. Қайыңбердиев.

Тұрғындардың өтінімдері бойынша 1, 745 млрд теңге қаржы үнемделсе, негізсіз төленген 320,6 млн теңге тұтынушыларға кері қайтарылған. Ал 2021 жылдың 1-қаңтарынан бастап 3 млрд теңгені үнемдеу жоспарланып отыр.