Шымкентте пәтерден үш адамның мәйіті табылды

Шымкент қаласындағы пәтерлердің бірінен үш адамның денесі табылды, деп хабарлайды ERNUR.KZ.

Бұл туралы Шымкент қаласы Төтенше жағдайлар Департаментінің баспасөз қызметі мәлімдеді.

30 қаңтар күні “103" қызметінен Әл-Фараби ауданы, Ерманов көшесі бойындағы көппәтерлі үйге шақырту бойынша келгені және есікті ашу керектігі туралы хабарлама келіп түскен. Оқиға орнына ЖҚЖ қызметкерлері барып арнайы құралдардың көмегімен кіре беріс есіктерді ашты.

Пәтердің ішінде 1978 ж. т., 1957 ж.т. және 1979 ж. т. үш адамның денесі табылды.

Қазіргі таңда қайтыс болу себептері анықталуда.

Сот медициналық сараптама тағайындалды.

Оқиға орнына Төтенше жағдайлар Департаментінің 8 қызметкері мен 2 дана техника жұмылдырылды.