Дулат Бекбауов Азия чемпионатының ширек финалына шықты

ERNUR.KZ. Қазақстандық боксшы Дулат Бекбауов Амман (Иордания) қаласында өтіп жатқан Азия чемпионатының келесі кезеңіне шықты, деп жазады vesti.kz.

67 келіге дейінгі салмақта сынға түскен отандасымыз 1/8 финалда түркіменстандық Сапармұрат Одаевпен кездесіп, төрешілер шешімі бойынша жеңіске жетті.

Айта кетейік, бүгін, 4 қараша күні Азия чемпионатында тағы екі отандасымыз - Санжар Тәшкенбай мен Асланбек Шымбергенов өнер көрсетеді.

Еске салайық, осыған дейін Амманда Сәкен Бибосынов, Серік Теміржанов, Назым Қызайбей жеңіске жеткен еді. Ал Санатәлі Төлтаев жеңіліп қалды.