Дзюдодан Загребте өтіп жатқан Гран-при турнирінде ел қоржынына алғашқы жүлде түсті

ERNUR.KZ. Қазақстандық дзюдошы Айболат Ыстыбай осы күндері Хорватия астанасы Загребте өтіп жатқан Гран-при турнирінде қола жүлде жеңіп алды, деп жазады zakon.kz.

Қазақстандық спортшы 66 келіге дейінгі салмақта қола жүлде үшін белдесуде Кипр өкілі Георгиос Баларджишвилимен кездесіп, шидодан жеңіске жетті. Бұл - бұл турнирде ел қоржынына түскен алғашқы медаль.

Турнирге Қазақстаннан барлығы 11 дзюдошы қатысып жатыр.

Айта кетейік, Гран-при кеше, 18 тамызда басталып, 20 тамызда аяқталады.

Жарысқа барлығы 85 елдің дзюдошылары қатысып жатыр. Ең көп спортшы Италия мен Франциядан барған (әрқайсынан 23 дзюдошы). Бразилиядан 22 спортшы бар.