Елордалық кішкентай теннисші Испанияда өткен турнирде топ жарды

ERNUR.KZ. Елордалық Томирис Нұржан Испанияда өткен жасөспірімдер арасындағы турнирде топ жарды, деп жазады ҚазАқпарат.

2-8 желтоқсан аралығында Испанияның Манакор қаласында Рафаэль Надальдың Rafa Nadal Academy теннис академиясында жасөспірімдер арасында жыл сайынғы Ten-Pro Global Junior Tour турнирі өтті. Турнирге 51 елден 275 жасөспірім қатысты.

10 жасқа дейінгі санатта бірінші орынды Нұр-Сұлтан қаласының теннисшісі Томирис Нұржан иеленді. Ол - қазіргі уақытта осы санаттағы Қазақстанның бірінші ракеткасы.

Рафаэль Надаль академиясы теннис пен білімді біріктірген, аты аңызға айналған ойыншының туған қаласында орналасқан. Оқушылар мұнда кәсіби спортта өз жолын жалғастырып, дәстүрлі білім алады. Академияның теннисте көп жылдар бойы Надаль және оның командасы жинаған тәжірибеге негізделген, жеке оқыту жүйесі бар.

Финалда екі қазақстандық кездесті. 6:4, 3:6, 6:3 есебімен ойын Томиристің пайдасына шешіліп, жеңіске жетті.

Біздің республикамыздың намысын қорғауға Қазақстанның әр қаласынан 12 бала барды.

Турнирдің ақтық кезеңіне шығу үшін отандасымыз Мальта, Бельгия, Македония және Швейцария елдерінен келген балаларды жеңіп шықты.

Департамент басшылығы мен жеке құрамы Томиристі жетістіктерімен құттықтай отырып, халықаралық аренада одан әрі жеңістерге, мол табыстарға жетуін тілейді.