Ресей мен Беларусьтің Украинаға қарсы соғыстағы рөлдеріне байланысты қос елдің спортшылары қысқы Паралимпиадаға бейтарап мәртебеде қатысады.
ERNUR.KZ. Бұл туралы Халықаралық паралимпиадалық комитет (ХПК) мәлім етті, деп жазады ҚазАқпарат.
«Ресейдің паралимпиадалық комитеті мен Беларусьтің ұлттық паралимпиадалық комитеті Бейжіңдегі қысқы Ойындарға бейтарап мәртебеде және келесідей шарттармен қатыстырылады: барлық спортшылар жарысқа ХПК жалауымен шығады. Олар үшін ХПК гимні қосылады. Атлеттер Паралимпиаданың медальдар есебіне енгізілмейді», - деп пресс-конференцияда ХПК басшысы Эндрю Парсонс нақтылаған.
Сондай-ақ, ХПК Ресей мен Беларусь паралимпиадалық комитеттерінің мүшеліктері туралы шешімді кезектен тыс бас ассамблеяда қабылдамақ.
Паралимпиада Бейжіңде 4 наурыз күні басталып, 10 күнге созылады. Биатлон, тау шаңғысы, арбамен керлинг, шаңғы спорты, сноуборд пен следж-хоккей бойынша 78 медаль жиынтығы бәске тігіледі.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
