ТҮРКІСТАН: Гүл өсіруді кәсіп еткен жетісайлық отбасы айына 1 млн. теңге табады

Жетісайлық ағайынды Нартаевтар үйіргелік 3 соттық жер теліміне жылыжай салып бастаған, деп хабарлайды ERNUR.KZ.

Жетісай ауданында БАҚ өкілдеріне арналған баспасөз туры өтті. Тур аясында журналистер аудандағы Қазыбек би ауылдық округіндегі гүл өсіруші “Салих “ шаруа қожалығының жұмысымен танысты. Ағайынды Нартаевтар үйіргелік 3 соттық жер теліміне жылыжай салып бастаған. Кейін гүл өсіріп сату ісін қолға алып, жылыжай аумағын 15 соттыққа жеткізген. Қазіргі таңда жылыжайда құмыраға отырғызылған гүлдің 40-тан астам түрі өсіріледі. Қожалық әр гүлді 500-10000 теңге арылығында саудалап, айына 1 млн теңге табыс тауып отыр. Гүл бағында 10 адам жұмыспен қамтылған.

Баспасөз турында журналистер «Ауыл Аманаты» бағдарламасымен қаржы алып, кәсібін бастаған шаруалармен кездесті. Ж.Ералиев ауыл округі, С.Сейфуллин ауылының тұрғыны Асрор Қамбаров “Ауыл аманаты” жобасымен 2,5%-дық несие алып, 20 соттық жылыжай ашқан. Онда қияр егіп, 7-8 тонна өнім алып отыр. Бүгінде төрт адам жұмыспен қамтылған.