ТҮРКІСТАН: Төлебиде саз мектебінің қосымша ғимараты ашылды

Төлеби ауданында балалар саз мектебінде қосымша ғимараттың ашылу салтанаты өтті, деп хабарлайды ERNUR.KZ.

Түркістан облысы, Төлеби ауданында балалар саз мектебінде қосымша ғимараттың ашылу салтанаты өтті. Мерекелік жиынға арнайы қатысқан аудан әкімі Еркеғали Әлімқұлов оқушылардың, ұстаздардың, аудан халқының қуанышына ортақтасты.

1975 жылы негізі қаланған саз мектебінде бүгінде екі ауысымда 405 оқушы тәлім алуда. Қазіргі таңда жас жеткіншектердің бос уақытын тиімді пайдалану мақсатында 11 мамандық түрінен 39 қосымша білім беру педагогы еңбек етеді.

«Сіздер көп тілді, өнерді меңгеріп, рухани бай, білімді азамат болып өсіңіздер. Себебі әлемдік жаҺандану үдерісіне жауап беретін кемелденген азамат болуға лайықсыздар», деді құттықтау сөзінде аудан басшысы.

Аудандық ардагерлер кеңесінің төрағасы Әтірхан Шыңғысбаев пен ауыл ақсақалдары оқушыларға ақ батасын берді. Мектеп ғимаратының ашылу салтанатына орай, саз мектебінің оқушылары жанды дауыста, оркестр сүйемелдеуімен мерекелік концерт ұйымдастырды.