Жыл сайын аталмыш акцияға белсенді қатысып келеді.
«Ауыл» партиясының Түркістан облыстық өңірлік филиалының төрағасы Төрегелді Қалмұратов «Мектепке жол» акциясына үлес қосып жатыр, деп хабарлайды ERNUR.KZ.
Жаңа 2025-2026 оқу жылын ұйымдастыру мақсатында «Мектепке жол» акциясына басталды. Акция аясында балалардың қуанышына атсалысып жатқан азаматтар қатары көбейіп келеді. Соның бірі, Түркістан облыстық мәслихат депутаты, “Ауыл” партиясының Түркістан облыстық өңірлік филиалының төрағасы Төрегелді Қалмұратов. Халық қалаулысы бүгін өзі сайланған Төлеби ауданына қарасты, Сансызбай Бекбосынов атындағы орта білім беретін мектепке арнайы барып, балалармен және ұстаздармен кездесті. «Мектепке жол» акциясына өз үлесін қосып, білім ордасында аз қамтылған және көп балалы отбасылардан шыққан оқушыларға өз атымнан оқу жылының басталуына орайматериалдық қолдау көрсетті.
- Мектепке қажетті құрал-жабдықтары салынған сөмке балалардың білім алуына қажетті жағдай. Ата-ана үшінде айтарлықтай көмек деп білемін. Еліміздің болашағы жастар! Сондықтан жас буынның қайғысыз білім алуы маңызды, - деді Т.Қалмұратов!
Айта кетейік депутат бұдан өзге тағыдааудандық және облыстық көлемде республикалық акция аясында 30-ға жуық балаға мектепке қажетті құрал-жабдықтармен қамтамасыз етуді жоспарлап отыр. Жыл сайын аталмыш акцияға белсенді қатысып келеді.
