Түркістандық ескекшілер Қазақстан чемпионатында 26 медаль жеңіп алды

Түркістандық ескекшілер жасөспірімдер арасындағы Қазақстан чемпионатында 26 медаль жеңіп алды, деп хабарлайды ERNUR.KZ.

Алматы қаласында байдарка және каноэ есуден жасөспірімдер арасындағы ел чемпионаты өтті. Дүбірлі сынға 11 өңірден келген 112 спортшы чемпиондыққа таласты. Түркістан облысының байдарка және каноэ есушілері 11 алтын, 5 күміс және 10 қола медальға ие болды.

Бағдарламаның әртүрлі түрлерінде чемпион атанғандар:

Прядка Зоя – К-2, 1000 м – 1 орын, К-4, 500 м – 1 орын.

Прядка Злата – К-2,1000 м – 1 орын, К-4, 500 м – 1 орын, К-1, 5000 м – 1 орын.

Құтан Қарақат – К-4, 500 м – 1 орын.

Кошманова Маргарита – К-4, 500 м – 1 орын.

Федотов Руслан – С-1,500 м – 1 орын, С-2, 500 м – 1 орын, С-1, 5000 м – 1 орын.

Абдубаева Милана – С-4, 500 м – 1 орын.

Жарыс қорытындысы бойынша түркістандық байдарка есуші Прядка Злата мен каноэ есуші Федотов Руслан Қазақстан Республикасының спорт шебері нормативін орындады.