​Бішкекте 6-қабаттан секірген қызды қағып алды (видео)

ERNUR.KZ. Бішкекте милиционерлер алтыншы қабаттағы пәтердің терезесінен секірген қызды құтқарды, - деп жазады Tengrinews.kz. Kaktus.media.сілтеме жасап.

Оқиға 20 ақпанда Тунгуч ықшамауданында болған. Суицид туралы хабар жергілікті уақыт бойынша 14:20-да түскен. Куәгерлер қыз баланың алтыншы қабаттан секірмекші болып тұрғанын айтқан.

"Қыз бала алтыншы қабаттағы пәтердің терезесінен секірмекші болды. Есігі жабық болды. Райынан қайтару және төменнен айғайлау пайда бермеді. Құқық қорғау органдарының қызметкерлері кілем тауып, терезенің тұсында жайып ұстап тұрды. Оқиға орнына жеткен ТЖМ мамандары есікті ашты, алайда қыз бала ешкімге бой берместен секіріп кетті. Төменде тұрған милиционерлер қыз баланы аман алып қалды. Жайып ұстап тұрған кілем соққыны бәсеңдетті", - делінген хабарламада.

Қазіргі уақытта қыз баланың неліктен суицидке барғаны тексеріліп жатыр. Қыздың кім екені анықталды, мамырда ол 18-ге толады екен. Қыздың жағдайы аса ауыр халде. Ол жансақтау бөлімінде жатыр.