Джек Маның Alibaba холдингі алты компанияға бөлінді

30.03.2023 09:43

532

Жаңа компаниялардың әрқайсысының өз басшылығы мен директорлар кеңесі болады, ал операцияларды қаржыландыру толығымен тәуелсіз болмақ.

ERNUR.KZ. Қытайлық Alibaba холдингінің акциялары компанияны алтыға бөлу туралы шешім қабылдағаннан кейін 15 %-ға қымбаттады, деп жазады stan.kz.

Alibaba Cloud Intelligence бұлттық қызметтерімен, Taobao Tmall Қытайдағы онлайн-саудамен, International Digital Commerce халықаралық онлайн-саудамен, Local life азық-түлік жеткізумен, Cainiao логистикамен және Dawen Entertainment цифрлық медиа және ойын-сауықпен айналысады.

Технологиялық холдингтің бөлінуі нарықтағы өзгерістерге және жаңа кәсіпорындардың құнын арттыруға бағытталған. Болашақта жаңа компаниялар капиталды жеке-жеке арттыру үшін IPO-ны өткізуге ниетті.

Alibaba тобын 1999 жылы қытайлық миллиардер Джек Ма құрды. 2022 жылы Alibaba Қытайдағы екінші қымбат бренд болды.