Жанартаудың белсенділігі сақталып отырғандықтан, билік тұрғындар мен туристерге кратерге 4 шақырымнан жақын бармауға кеңес берді.
Фото: видеодан алынған скрин
ERNUR.KZ. Индонезиялық құтқарушылар Дуконо жанартауы атқылаған аймақта қалған 20 туристі іздеу операциясын жүргізіп жатыр, деп жазады inform.kz.
Елдің вулканология агенттігінің мәліметінше, күл бағаны 10 шақырым биіктікке дейін көтерілген. Бұл соңғы уақыттағы ең қуатты атқылаулардың бірі болған.
Іздеу операциясына ондаған құтқарушы мен полиция қызметкері жұмылдырылды. Қауіпті аймақта қалған туристердің тоғызы – Сингапур азаматтары, қалғандары Индонезия тұрғындары.
Жанартаудың белсенділігі сақталып отырғандықтан, билік тұрғындар мен туристерге кратерге 4 шақырымнан жақын бармауға кеңес берді.
Сонымен қатар мамандар жанартау маңында қатты жаңбыр жауған жағдайда лай көшкіні жүруі мүмкін екенін ескертті.
Дуконо жанартауы Тынық мұхиты және Аустралия литосфералық плиталары түйіскен аймақта орналасқан.
