Қабул мектебіндегі жарылыстар: қаза тапқандар саны 85-ке жетті

ERNUR.KZ. Ауғанстан астанасы Қабулдағы мектеп алдында болған жарылыстар салдарынан кем дегенде 85 адам қаза тауып, 150 адам жарақаттанған, деп жазады ҚазАқпарат.

Қабулдағы қыздарға арналған мемлекеттік мектептің алдында қатарынан үш жарылыс болған. Алдымен мектептен алыс емес жерде миналанған автокөлік жарылған. Оның ізін ала екі қолдан жасалған құрылғы жарылады.

Қазіргі кезде болған жарылыстар үшін ешкім жауапкершілікті мойнына алмай отыр.