ОАР-да бірден 10 бала босанғанын айтқан әйел жындыханаға жатқызылды

ERNUR.KZ. ОАР-да бірден он баланы дүниеге әкелген Госиама Ситоле жындыханаға жатқызылды, деп жазады Тengrinews.kz.

Әйел адамның күйеуі Ситоле 8 маусымда он баланы дүниеге әкелгенін мәлімдегеннен кейін байланысқа шықпай, жоғалып кеткенін полицияға хабарлаған.

Республикадағы заңға сәйкес, адамның психикалық денсаулығына сараптама жасау үшін оны тек 72 сағатқа ұстап отыруға болады. Полицейлер әйел адамды ұстап, артынша оны құзырлы органдарға тапсырған. Сараптама бойынша, әйел адам кейінгі бір жылда жүкті болмағанын анықтаған.

Ситоленің күйеуі аурухана да бұл деректі растай алмай отырғанын айтады. Аурухана өкілдері әйел адамға ешқандай медициналық қызмет көрсетілмегенін айтады. Денсаулық сақтау министрлігі де маусымда он баланы өмірге әкелу дерегі тіркелмегенін хабарлаған.

Бүгінде Ситоле Йоханнесбургтегі ауруханаға жатқызылды, ол медицина қызметкерлерінің бақылауында. Оның адвокаты Рефило Макоенның сөзінше, Ситолені медициналық мекемеде еркінен тыс ұстап отыр, енді олар сотқа жүгінбек.

Еске салайық, 9 маусымда ОАР-да әйел бірден он бала дүниеге әкеліп, рекорд орнатқаны хабарланған болатын.