Бірнеше күннің ішінде екі жақтан да мыңнан астам бейбіт тұрғын қаза тапты.
ERNUR.KZ. Израильдің Газа секторына жасаған соққыларынан қаза тапқандар саны 1537-ге жетті, 6 мыңнан астам адам жарақат алды, деп жазады sputnik.kz.
"Израильдің Газа секторындағы агрессиясы салдарынан 1537 адам қаза тауып, 6612 адам жарақат алды", - делінген хабарламада.
Сенбі, 7 қазан күні палестиналық Хамас қозғалысының әскерилері Газа секторынан Израильге зымыранмен шабуыл жасады. Бұған жауап ретінде Израиль қорғаныс күштері Газа секторында "Темір қылыш" операциясын бастады.
Сондай-ақ Израиль Газа секторына су, азық-түлік, электр қуаты, дәрі-дәрмек және отын жеткізу тоқтатылғанын жариялады.
Екі жақтан да мыңнан астам бейбіт тұрғын қаза тауып, бірнеше мың израильдік пен палестиналық жараланған. Түрлі ақпарат көздеріне сәйкес, 150-ге жуық израильдік Хамастың тұтқынында болуы мүмкін.
Қазақстан азаматтары 10 қазанда Air Astana әуе компаниясының арнайы рейсімен Израильден эвакуацияланды.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
