Фото: i1.ytimg.com
Өмірдің қызықты сәттерін өз көзіңізбен қалай көрсеңіз, дәл солай бірінші жақтан (FROM FIRST PERSON) түсіру – заманауи технологияның ең ыңғайлы шешімдерінің бірі. Бүгінде смарт-көзілдіріктер нарығы нағыз қарқынды даму кезеңін бастан кешіруде.
Адамдардың көбі смарт-көзілдіріктердің бәрі бірдей деп ойлайды. Бірақ олардың функционалы мен сапасындағы айырмашылық өте үлкен. Кейбір құрылғылар тек видео жазуға арналса, енді біреулері тікелей трансляция (стрим) жүргізуге, дауыстық ассистентпен тілдесуге, тіпті шет тілдерін аударуға қабілетті. Бағасы да әр түрлі: кейде қолжетімді бюджеттік модельдердің өзі қымбат баламаларынан кем түспейтін мүмкіндіктер ұсынады.
Техникалық мүмкіндіктері, функционалы және пайдаланушылардың оң пікірлері бойынша назар аударуға тұрарлық үздік 5 смарт-көзілдірік рейтингін ұсынамыз.
1. Ray-Ban Wayfarer (Gen 2)
Сыртқы пішіні жағынан бұл модель кәдімгі классикалық күннен қорғайтын Ray-Ban көзілдірігінен мүлде айнымайды. Алайда оның корпусына 12 МП камера, 5 микрофон және құлақты жаппайтын ашық динамиктер орнатылған.
12 МП камерасы 3024x2938 пиксель рұқсатында сапалы видео түсіреді. Электронды тұрақтандыру жүйесі жүріп бара жатқандағы дірілді азайтады. Bluetooth 5.3 және Wi-Fi 6E арқылы телефонға өте жылдам қосылады. 51 грамм салмағының арқасында күні бойы киіп жүруге өте ыңғайлы. 32 ГБ ішкі жады 500-ден астам фото немесе 100-ден астам қысқа видео сақтауға жетеді. Зарядтау футляры көзілдірікті тағы 4-5 рет толық қуаттай алады.
Кемшіліктері: Ішкі жады шектеулі (флешка салынбайды), видеоны көп түсірсе, жады тез толады.
2. Matte Black YDG300L
Күңгірт қара корпусты бұл модель – экшн-камера, сымсыз гарнитура және біріктірілген ЖИ-аудармашының қызметін қатар атқаратын технологиялық құрылғы. Мұнда 30 МП матрица орнатылған (фото сапасы 6708x4472, видео 1080P/30fps). Өз бойында жасанды интеллекті бар көзілдірікті бейтаныс өсімдікке, ғимаратқа немесе мәтінге бағыттасаңыз, сізге ол туралы ақпарат беріп, аударып береді. Судан және шаңнан қорғау стандарты бар, бұл жаңбыр астында немесе спортпен айналысқанда қорықпай пайдалануға мүмкіндік береді. Магнитті коннектор арқылы қуатталып жатқан кезде де киіп жүре беруге болады.
Кемшіліктері: 32 ГБ ішкі жады бар, сыртқы флешка түспейді.
3. Ray-Ban Skyler (Gen 1)
«Мысық көз» пішінінде дайындалған бұл модель сән мен технологияны қатар бағалайтындарға арналған. Ол 2K форматында бірінші жақтан видео түсіруге, музыка тыңдауға және телефонсыз еркін сөйлесуге мүмкіндік береді. Жасыл түсті G-15 классикалық линзалары көзді ультракүлгін сәулелерден сенімді қорғайды. Тұтқасындағы сенсорлық панель немесе дауыстық командалар арқылы басқарылады. 5 микрофонды жүйесі тіпті қатты жел соғып тұрғанда да дауысты анық жазып алады.
Кемшіліктері: Бастапқы баптау кезінде арнайы қосымшаны жүктеу үшін желілік параметрлерге назар аударуды талап етеді.
4. GOKOTTA
Рейтингтегі басқа көзілдіріктерден айырмашылығы, бұл дербес камерасы бар құрылғы емес, смартфоныңыздың экранын 90–100 градустық жеке дисплейге айналдыратын VR-көзілдірік. Android немесе iOS смартфоныңызды осы көзілдірікке салып, 3D контент пен ойындарға толық еніп кетесіз. Жиынтығында ойын ойнауға арналған джойстик пен Type-C/Lightning өткізгіштері бар.
Кемшіліктері: Өздігінен дербес жұмыс істей алмайды, көрсету сапасы толықтай смартфоныңыздың экранына байланысты.
5. Ray-Ban Wayfarer RW4006
12 МП кең бұрышты камерасы бар модель. Спортпен айналысатын, саяхатқа жиі шығатын немесе күнделікті влог жүргізетін блогерлерге өте қолайлы. Корпустағы ашық динамиктер айналадағы дыбыстарды (мысалы, көлік қозғалысын) жаппайды. Бұл көшеде жүргенде қауіпсіздікті қамтамасыз етеді.
Кемшіліктері: Ресми қосымшасын жүктеу үшін кейде аккаунт өңірін ауыстыру немесе APK-файл қолдану қажет болуы мүмкін.
Камера көзілдірік жиектемесіне қалай жасырылады?
Смарт-көзілдіріктің камерасы ешқашан сіз қарайтын әйнектің (линзаның) артында тұрмайды. Ол әрдайым корпус рамасында орналасып, сіздің жанарыңыз бағытталған жақты дәл көз деңгейінен түсіреді.
Камера линзасы көзілдірік рамкасының бұрышына немесе металл тіреуіштердің түйіскен жеріне кішкентай нүкте ретінде енгізіледі. Сырт көзге ол кәдімгі бекіткіш бұранда (винт) немесе декоративті бөлшек болып көрінеді.
Микрофондар, процессор және батарея тұтқалардың ішіне салмақ тепе-теңдігін сақтай отырып орналастырылады. Қалың жиектемелерде немесе массивті модельдерде бұл мүлде білінбейді.
Батареясы қанша уақытқа жетеді?
Белсенді түрде 4K немесе Full HD видео түсіргенде батарея орташа есеппен 1,5–3 сағатқа жетеді. Ал тек ара-тұра суретке түсіріп, музыка тыңдайтын күту режимінде бір күнге шыдайды. Ескеретін жайт: аязды күнде батарея қуаты 30%-ға жылдам отырады.
Түсірілім жасап жатқаны сырт көзге байқала ма?
Халықаралық заңнамалар мен құпиялылық талаптарына сай, видео немесе фото түсіру кезінде корпуста шағын жарықдиодты (LED) индикатор жанады. Бұл айналадағы адамдарға түсірілім жүріп жатқанын білдіреді.
Жаңбыр астында киюге болады ма?
Барлық модель бола бермейді. Тек корпусында IPX4 (шашырандыдан қорғау) немесе IP68 (судан толық қорғау) арнайы маркировкасы бар көзілдіріктерді ғана жаңбырда немесе терлегенде қорықпай киюге болады.
Қоғамдық орындарда камералы көзілдірікпен түсіру заңды ма?
Көпшілік орындарда (көшеде, саябақта) түсірілім жасауға рұқсат етілген. Алайда адамның жеке өміріне қол сұғуға болмайтын орындарда (киім ауыстыратын бөлмелер, медициналық мекемелер, фитнес-залдар) смарт-көзілдірікпен түсіруге тыйым салынады.
Күні бойы киіп жүру ыңғайлы ма?
Ішіндегі батареясы мен микросхемаларға байланысты бұл көзілдіріктер қарапайым оптикадан сәл ауырлау (орташа салмағы 50–60 грамм). Сатып алар алдында оның мұрынға және құлақ артына батпайтынын тексеріп, киіп көрген дұрыс.
Дайындаған: Б. ЕРМАН,
ТАҒЫ ДА ОҚЫҢЫЗ:
