Фото: Ақорда
ERNUR.KZ. XIV шақырылымдағы Бүкілқытайлық халық өкілдері жиналысының үшінші сессиясы 7 наурыз баспасөз мәслихатын өткізді. Онда Қытайдың сыртқы істер министрі Ван И елдің сыртқы саясаты мен халықаралық қатынастар бойынша сұрақтарға жауап берді, деп жазады inform.kz.
Бұл туралы The Paper ақпараттық агенттігі хабарлады.
Ван И биыл Шанхай ынтымақтастық ұйымы (ШЫҰ) үшін «Қытай жылы» екенін атап өтті. «ШЫҰ Қытайда өмірге келді, Шанхайдың атымен аталды, бұл біз үшін айрықша мәнге ие. Біз ШЫҰ-ның өз отанына оралғанын қуана қарсы аламыз» деді министр.
Оның айтуынша, ШЫҰ-ның тұрақты дамуының негізгі себебі «Шанхай рухын» ұстанып, өзара сенім мен тиімділік, теңқұқылық пен өзара ақыл-кеңес, мәдени әртүрлілікке құрмет және ортақ дамуға ұмтылыс қағидаттарын сақтай білуінде. Соның арқасында ұйым өңірлік ынтымақтастықтың жаңа моделін қалыптастырды.
- Алдағы күзде ШЫҰ саммиті Қытайдың Тяньцзинь қаласында өтеді. ШЫҰ-на мүше елдердің басшылары Хайхэ жағалауында бас қосып, табысты тәжрибелерді қорытындылап, даму бағытын айқындап, ортақ шешімдер қабылдайды. Ұйым Қытайда қайта қанаттанып, ШЫҰ кеңістігінде ортақ тағдыр қауымдастығын қалыптастыруға серпін беріледі, – деді Ван И.
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
![](/assets/thumbnails/96/96b2c9126416d9958904712a35ba6d2f.jpg ""Анам күнде кешірім сұрайды": қайтыс боп кеткен атасын кешіре алмаған қыз оның қатыгездігін айтып берді")
