Сеулдің мәліметінше, зымырандар шамамен 400 шақырымға дейін ұшқан.
Фото: АЗЕРТАДЖ
ERNUR.KZ. Сеулдегі әскери шенеуніктердің мәлімдеуінше, Солтүстік Корея бірнеше күн ішінде екінші рет Жапон теңізіне қарай зымыран ұшырды. Мұны КХДР әрекетін айыптай отырып, Жапонияда да растады, деп жазады inform.kz.
Солтүстік Корея 5 қараша, сейсенбі күні таңертең Жапония теңізіне қарай кемінде жеті қысқа қашықтықтағы баллистикалық зымыран ұшырды, деп хабарлады Оңтүстік Кореяның Біріккен Штаб бастықтары (JCS) және Жапония Қорғаныс министрлігі. Бұл Солтүстік Кореяның бірнеше күн ішінде екінші баллистикалық зымыран ұшыруы.
Сеулдің мәліметінше, зымырандар шамамен 400 шақырымға дейін ұшқан. Оңтүстік Корея әскерилері жапондық және америкалық одақтастармен ақпарат алмасу арқылы ұшырылымды нақты уақыт режимінде бақылап отырды. Жапония министрлер кабинетінің бас хатшысы Йосимаса Хаяси Солтүстік Кореядан баллистикалық зымыран ұшыру «елдің тыныштығы мен қауіпсіздігіне қатер төндіретінін» айтты.
Бұған дейін Солтүстік Кореядан зымыран ұшыру 31 қазанда жүзеге асырылған болатын. АҚШ, Оңтүстік Корея және Жапония сыртқы істер министрлері Солтүстік Кореяның әрекетін «айыптап», оны «БҰҰ Қауіпсіздік кеңесінің көптеген қарарларын өрескел бұзу» деп атады.
