Биыл Еуропада аптап ыстықтан 50 мың адам көз жұмған

ERNUR.KZ. Қаза тапқандар саны 50 мың адамнан асқан, деп жазады inbusiness.kz.

Зерттеу нәтижелеріне сәйкес, өлім-жітімнің 65 пайызына табиғатқа адам баласының тигізген әсері себеп болған. Тиісті талдау Еуроодақ, Ұлыбритания, Норвегия және Швейцариядағы 850-ден астам қалалық орталықтардың мәліметтерін қамтыды. 2022 жылы аймақта аптап ыстықтан шамамен 29 мың адам қайтыс болды деп бағаланған. Ол кезде климаттың өзгеруіне байланысты өлім-жітім үлесі 59 пайызға жеткен.

Лондон ғалымдары 2000 жылдан бергі тарихи мәліметтерге сүйене отырып, ыстықтан болатын өлім-жітімді есептеу әдісін әзірледі. Олар нәтижелерді ресми статистикамен салыстырды.

Зерттеушілер 2026 жылдың маусымында аптап ыстық салдары өте ауыр болғанын атап өтті. Ыстықтан қайтыс болғандардың үштен біріне жуығы 17 маусым мен 1 шілде аралығында тіркелген. Бұл күндері орташа температура 1991–2020 жылдардағы көрсеткіштен 5 градусқа жоғары болды. Салдарынан қарттар ғана емес, жасы 65-ке толмаған 6 мыңға жуық адам көз жұмған.