Фото: © REUTERS / Leonardo Fernandez Viloria
ERNUR.KZ. Венесуэлада болған жойқын қос жер сілкінісінен қаза тапқандар саны 2645 адамға жетті. Мыңдаған адам жарақат алып, он мыңнан астам тұрғын баспанасыз қалды, деп жазады Stan.kz.
Елдің Байланыс және ақпарат министрлігі табиғи апаттан 2645 адамның қаза тауып, 12 666 адамның жараланғанын мәлімдеді. Құтқарушылар үйінді астынан 6462 адамды аман алып шыққан.
Табиғи апат салдарынан 15 мыңнан астам адам баспанасыз қалған. Зардап шеккендерге көмек көрсету үшін 59 уақытша лагерь ашылып, 86 мыңнан астам отбасыға гуманитарлық көмек жеткізілген. Сондай-ақ тұрғындарға азық-түлік, ауыз су және медициналық көмек көрсетіліп жатыр.
Үкіметтің мәліметінше, жер сілкінісінен жалпы 885 ғимарат зақымданып, оның 189-ы толық қираған. Апат салдарын жою жұмыстарына үш мыңнан астам шетелдік құтқарушы, жергілікті арнайы қызметтердің 29 мыңнан астам қызметкері және 25 мыңнан астам ерікті жұмылдырылған.
24 маусымда болған магнитудасы 7,2 және 7,5 балдық қос жер сілкінісінен бері елде 890 афтершок тіркелген. Бұл соңғы 126 жылдағы Венесуэлада болған ең күшті жер сілкінісі саналады.
