28 Ақпанда Владимир Зеленский Ақ үйге келді.
Фото: X/ @ZelenskyyUa
ERNUR.KZ. Украина президенті Владимир Зеленский 28 Ақпанда АҚШ президенті Дональд Трамппен кездесуі кезінде болған келеңсіз оқиғаға өкінішін білдірді, деп жазады inform.kz.
— Жұма күні Вашингтондағы Ақ үйдегі кездесуіміз ойдағыдай болмады. Бұлай болғаны өте өкінішті. Бәрін түзететін уақыт келді, — деп жазды ол Х әлеуметтік желісіндегі парақшасында.
Зеленскийдің сөзінше, Украина одан әрі ынтымақтастық пен қарым-қатынастың сындарлы болғанын қалайды.
— Пайдалы қазбалар мен қауіпсіздік туралы келісімге келетін болсақ, Украина оған кез келген уақытта және кез келген ыңғайлы форматта қол қоюға дайын, — деп қосты ол.
Еске салсақ, 28 Ақпанда Владимир Зеленский Ақ үйге келді. Келіссөздер алдында баспасөз құралдарының сұрақтарына жауап беру кезінде Трамп пен Зеленский сөзге келіп қалды. Салдарынан Украина мен АҚШ арасындағы пайдалы қазбалар туралы келісімге қол қою рәсімі, сондай-ақ келіссөздер қорытындысы бойынша баспасөз конференциясы өтпей қалды.
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
![](/assets/thumbnails/96/96b2c9126416d9958904712a35ba6d2f.jpg ""Анам күнде кешірім сұрайды": қайтыс боп кеткен атасын кешіре алмаған қыз оның қатыгездігін айтып берді")
