Бұдан бөлек еңбек ету қабілетінен айырылу жағдайына тағайындалатын әлеуметтік төлем мөлшері де ұлғаймақ.
ERNUR.KZ. Елімізде Мемлекеттік әлеуметтік сақтандыру қорынан төленетін әлеуметтік төлемдердің мөлшерін арттыру жоспарланып отыр. Бұл туралы Еңбек және халықты әлеуметтік қорғау министрлігі әзірлеген қаулы жобасында көрсетілген, деп жазады inbusiness.kz.
Қаулы жобасы “Ашық НҚА” порталында жарияланды.
“2023 жылғы 1 шілдеге дейін Мемлекеттік әлеуметтік сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтік төлемдердiң мөлшерiн 2023 жылғы 1 шілдеден бастап алатын әлеуметтік төлемдердің мөлшерінен 14,5 пайызға арттыру жүргізілсін. Осы қаулы алғашқы ресми жарияланған күнінен кейін күнтізбелік он күн өткен соң, бірақ 2023 жылғы 1 шілдеден ерте емес қолданысқа енгізіледі”, - делінген құжатта.
Құжатты жария талқылау 13 сәуірге дейін жалғасады.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
