35 мың теңге: Тараз маңындағы жарылыстан кейін такси жүргізушілері бағаларын үш есе көтерген

ERNUR.KZ. Кейбір такси жүргізушілері өз үйлерін тастап, Тараз маңындағы жарылыс кезінде жақын елді мекендерге бет алған жолаушылардан үлкен көлемде ақша сұраған, деп жазады Stan.kz.

Жол бойында шақырымға созылатын кептеліс пайда болды. Зейнеткер Зализа Жураева сол кешті үреймен еске алады. Жарылыстан үйдің терезелері сынып кеткен. Бәрінен бұрын балалар шошыған. Сондықтан зейнеткердің отбасы бірден кетуге шешім қабылдады.

"Біз қашып келе жаттық. Жарылыстар болып жатты, бірақ біз өрттен 12 шақырым жерде болдық. Бар ақшамызды таксистерге бердік. Бүгін қайтайын десек, қалай қайтарымызды білмей отырмыз. Зейнетақы әлі түскен жоқ", – деді Байзақ ауылының тұрғыны.

"Дүрбелең болды. Бағаны кім қалай қойғысы келсе, солай қойды. Баға жоғарылап, адамдар шағымдана бастады. Таңертең келсек, бір көлікке 30 000, 35 000 деп тұр. Біз 10 000 теңгеге жүретінбіз. Бұл біз үшін ұят", – дейді жүргізуші Нұрбек Бексұлтанов.

Алайда мейірімді адамдар да табылды. Олар тұрғындарды барар жерге тегін апарып жатты. Кейбіреулер осы үшін тіпті басқа қалалардан келді. Аурухананың қақпасы алдында күзетіп, қалай да болса таныс емес адамдарға көмектесуге тырысып жатты.