Айтбек Амангелді: "24 жылдан кейін Бишімбаев 68 жасқа толады"

Сот аяқталған соң марқұмның ағасы журналистердің сұрағына жауап берді, деп жазады inbusiness.kz.

"Біз шамамен осынша жыл жаза тағайындалатынын білдік. 24 жылдан кейін оның жасы 68-де болады. Бұл өмір бойы бас бостандығынан айырумен тең деп есептеймін. Ол жасқа дейін өмір сүру, сүрмеуі белгісіз", - деді Айтбек Амангелді.

Айта кетейік, бүгін Астанада аса қатыгездікпен әйелі Салтанат Нүкенованы өлтірді деп айыпталған Қазақстанның бұрынғы ұлттық экономика министрі Қуандық Бишімбаевқа сот үкімі шығып, 24 жылға сотталды.