Әлия Назарбаева желіде ақша сұрайтын оқырмандарына жауап берді

0
2 548

Әлия Назарбаев Қор баспана, жұмысқа орналастыру мәселелерімен айналыспайтынын және мемлекеттік органдардың істеріне араласпайтынын атап өтті.


Әлия Назарбаева желіде ақша сұрайтын оқырмандарына жауап берді

ERNUR.KZ. Қазақстанның экологиялық ұйымдары қауымдастығының төрағасы Әлия Назарбаева желідегі оқырмандары тарапынан материалдық көмек көрсету туралы көп хат келетінін айтты, деп жазады azattyq-ruhy.kz.

«Маған күнделікті көп адам көмек сұрап жазады. Өз көзқарасымды нақты айқындағым келеді: мен барлық адамның қажеттілігі мен мұқтаждығын орындай алмаймын. Мен қоғамдық маңызы бар дүниелермен айналысамын, бизнес және қайырымдылық жобалары бар, бірақ қайырымдылықты да Қордың сайтында көрсетілген шарттарға сәйкес көрсетеміз!», - деп жазды ол көмек сұрағандардың бірінің хатын жариялап.

Сондай-ақ Әлия Назарбаева Қор баспана, жұмысқа орналастыру мәселелерімен айналыспайтынын және мемлекеттік органдардың істеріне араласпайтынын атап өтті.

«Бәріне бірдей көмектесу сіздің игі іспен айналысып жүргеніңізді білдірмейді! Кейде бас тарту – өз ниетіңе берік болу! Ал менің мақсатым – экология және білім жолында еңбектену!», - деп жазды ол.