Майя Манезаның айыбы толығымен дәлелденген.
ERNUR.KZ. Алматыда белгілі спортшы, зілтемірші Майя Манеза әкімшілік жазаға тартылды, деп жазады ҚазАқпарат.
Алматы қалалық соты баспасөз қызметінің мәліметіне сүйенсек, Volkswagen көлігінің жүргізушісі Майя Манеза Қарасай батыр-Жароков көшелерінің қиылысында Toyota Camry көлігімен соқтығысқан.
Сот барысында спортшы өз айыбын мойындап, істеген ісіне өкініш білдірді.
«Майя Манезаның айыбы толығымен дәлелденді. Осылайша судья оған 50 500 теңге көлемінде айыппұл салды», - деді баспасөз қызметінен.
Сот қаулысы күшіне әлі енген жоқ.
