Алматыда Finbet букмекерлік кеңсесінің басшылары сотталды

Тергеу анықтағандай, Finbet басшылары букмекерлік қызметпен бірге Қазақстан аумағында заңсыз құмар ойыны бизнесімен айналысқан. Олар осы қызмет арқылы 300 миллион теңгеден астам табыс тапқан.

"Құмар ойындарына ақша салу Алматы мен Шымкент қалаларында, Алматы, Атырау, Батыс Қазақстан, Қостанай, Маңғыстау және Павлодар облыстарында орналасқан 43 кеңседе жүргізілген", - деп жазылған хабарламада.

Айыпталған үш азамат та заңсыз құмар ойын бизнесін ұйымдастырғаны үшін сот үкімімен кінәлі деп танылды. Олардың екеуіне шартты түрде төрт жылға бас бостандығынан айыру туралы үкім шығарылды. Ал айыпталғанның бірі 2,4 миллион теңге көлемінде айыппұл төлейтін болды.

Қылмыстық іс бойынша құны 100 миллион теңгеден асатын ақшалай қаражат пен мүлік тәркіленді.