Заңсыз өнімнің жалпы құны 2,2 млн теңгені құрады.
ERNUR.KZ. Алматы қаласы Мемлекеттік кірістер департаментінің қызметкерлері жеке кәсіпкердің үйіндегі тексеру шаралары кезінде контрафактілік акцизделетін өнімді тапты, деп жазады zakon.kz.
Атап айтқанда, 1200 литр көлемінде спирттің ерекше иісі бар қою сұр түсті сұйық құтылар, 870 қаңылтыр сыра және контрафактілі темекі өнімі-сәйкестендіру құралдары жоқ және 760 пакет мөлшерінде анықталмаған үлгідегі сәйкестендіру құралдары бар темекі табылды.
Заңсыз өнімнің жалпы құны 2,2 млн теңгені құрады.
Анықталған фактілер бойынша материалдар процестік шешім қабылдау үшін қаланың сот органдарына берілді.
МКД бұл бұзушылық үшін ӘҚБтК-нің 283, 283-1, 463-баптары бойынша әкімшілік жауапкершілік көзделгенін түсіндірді.
"Жоғарыда аталған тәркіленген акцизделетін өнім азаматтардың өмірі мен денсаулығына елеулі қауіп төндіретінін атап өткен жөн. Алматы қаласы бойынша Мемлекеттік кірістер департаменті азаматтарды күмәнді шыққан алкоголь өнімдері мен темекі өнімдерін сатып алу кезінде қырағы болуға шақырады", - делінген департамент хабарламасында.
Акцизделетін өнімді заңсыз өткізудің барлық фактілері бойынша қала тұрғындары Мемлекеттік кірістер департаментіне мына мекенжай бойынша жүгіне алады: Алматы қаласы, Абылай хан даңғылы, 93/95 үй, каб. 417, телефон: 8(727) 267-35-62.
![«4 миллион теңгегеге «отырғызып» кетті: жаңа үйленген жігіт алаяқ](/assets/thumbnails/dd/dd426865b1e91661bfa60b38c19a3a8a.jpg "«4 миллион теңгегеге «отырғызып» кетті: жаңа үйленген жігіт алаяқ "келіншектің" арбауына түсіп қалған")
