Архимед Мұхамбетов Қостанай облысының әкімі қызметінен кетті

Архимед Мұхамбетов Қостанай облысының әкімі қызметінен босатылды, деп хабарлайды ERNUR.KZ Ақорда ресми сайтына сілтеме жасап.

Архимед Мұхамбетов Қостанай облысының әкімі болып 2015 жылдың қыркүйегінен бері жұмыс істеген болатын. Қостанай облысына Солтүстік Қазақстан облысының бұрынғы әкімі Құмар Ақсақалов әкім болып тағайындалды.

"Құмар Ырғыбайұлы Ақсақалов Қостанай облысының әкімі болып тағайындалсын", - делінген жарлықта.

Құмар Ақсақалов 1965 жылы Қостанай облысында туған.

1987 жылы В.П.Горячкин атындағы Мәскеу ауыл шаруашылығы өндiрiсiнiң инженерлерi институтын инженер-механик мамандығы бойынша тамамдаған.

Экономика ғылымдарының кандидаты.

1987-1989 ж.ж. — Қостанай облысы Урицкий ауданы «Крыловский» кеңшарының бас инженерi болды.

1989-1991 ж.ж. — Қазақстанның ЛКЖО-ның Қостанай облысы Урицкий аудандық комитетiнiң бiрiншi хатшысы.

1991-1992 ж.ж. — Қостанай облысы Урицкий ауданы «Маяк» кеңшарының бас инженерi.

1992-1993 ж.ж. — Қостанай облысы Қостанай ауданы «Новоселовка» мемлекеттiк шағын кәсiпорнының директоры.

1993-1996 ж.ж. — Қостанай облысы Қостанай ауданы «Қостанай» ғылыми-өндiрiстiк бiрлестiгi директорының орынбасары.

1996-1998 ж.ж. — Қостанай облысы Меңдiқара ауданының «Север» ұжымшарының төрағасы, «Север» ААҚ президентi.

1998-2002 ж.ж. — Қостанай облысы Меңдiқара ауданының әкiмi.

2002-2004 ж.ж. — Қостанай облысы Таран ауданының әкiмi.

2004-2006 ж.ж. — Қазақстан Республикасы Президентi Әкiмшiлiгiнiң Мемлекеттiк бақылау және ұйымдастыру жұмысы бөлiмiнiң мемлекеттiк инспекторы.

2006-2010 ж.ж. — Жамбыл облысы әкiмiнiң орынбасары.

2010-2015 ж.ж. — «Нұр Отан» халықтық демократиялық партиясы Орталық аппаратының басшысы, «Нұр Отан» партиясының хатшысы.

2015-2017 ж.ж. — Қазақстан Республикасы Президентi Әкiмшiлiгi Басшысының орынбасары.

2017 жылғы 14 наурыздан бастап Солтүстік Қазақстан облысының әкімі болды.