НЗМ жалған ақпарат таратпауды және құқық қорғау органдарынан ресми түсініктеме күтуді сұрайды.
ERNUR.KZ. Назарбаев Зияткерлік мектебі (НЗМ) Астанада 18 жастағы қызға қастандық жасалған оқиғаға қатысты пікір білдірді. Баспасөз қызметі қыздың расында мектепте оқитынын растады, деп жазады tengrinews.kz.
НЗМ жалған ақпарат таратпауды және құқық қорғау органдарынан ресми түсініктеме күтуді сұрайды.
"Иә, 2024 жылдың 25 мамырында Астанадағы Назарбаев Зияткерлік мектебінің оқушысы пышақ жарақатымен ауруханаға түскенін растаймыз. Оқиғаның мән-жайын құқық қорғау органдары анықтап жатыр. Қазіргі уақытта оқиға сабақтан тыс уақытта болғаны, шабуыл жасаған жасөспірім НЗМ шәкірті емес екені белгілі болды. Өз кезегінде жалған ақпарат таратпауды және құқық қорғау органдарынан ресми түсініктеме күтуді сұраймыз", - делінген мәлімдемеде.
Еске салайық, оқиға бір күн бұрын Астанада болған. Кейін полицейлер кәмелетке толмаған күдікті ұсталып, уақытша ұстау изоляторына жеткізілгенін хабарлады.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
