Астанада Тұңғыш Президент күні қарсаңында Нұрсұлтан Назарбаев туралы фотокөрме өтеді

ERNUR.KZ. Тұңғыш Президент күні қарсаңында 30 қарашада Тәуелсіздік сарайында "Елбасы арманы – асқақ Астана" атты фотокөрме ашылады, деп хабарлайды ЕлордаИнфо.

Көрмеде Елбасының қызметін, негізгі идеяларын, бастамаларын, тәуелсіздіктің қалыптасу жылдары мен ішкі және халықаралық аренадағы экономикалық және саяси жетістіктері туралы, Қазақстанның Тұңғыш Президенті – Ұлт Көшбасшысының қазіргі тарихтағы рөлі туралы баяндайтын фотосуреттер қойылады.

Оның экспозициясына «Тәуелсіздік сарайы» МКҚК-ның фотоколлекциясы да кіреді.

Фотосуреттерде экспозиция авторлары тәуелсіз Қазақстанның қалыптасуы мен нығаюындағы Нұрсұлтан Назарбаевтың рөлін көрсетуге тырысады.

Фотокөрме 30 қарашадан бастап 30 желтоқсан күніне дейін жұмыс істейді.