Атырау облысының әкімі қызметінен кетуге дайын екенін айтты

0
792

Заң бәрімізге ортақ, дейді аймақ басшысы.


Атырау облысының әкімі қызметінен кетуге дайын екенін айтты

ERNUR.KZ. Атырау облысының әкімі Махамбет Досмұхамбетов егер орынбасарының қылмысы дәлелденсе, отставкаға кетуге дайын екенін мәлімдеді, деп хабарлайды Астана телеарнасы.

Облыс әкімі бүгін біздің арнамызға осылай деді. Аймақ басшысының бұлай деуіне, "Аса ірі көлемде пара алды", деген күдікпен ұсталған бұрыңғы орынбасары себепші.
Еске сала кетейін, жемқорлықпен айыпталған Нұрлан Таубаев облыс әкімінің бірінші орынбасары болып осы мамыр айында ғана тағайындалған.

- Заң ғой. Ол бәрімізге ортақ. Егер ондай тергеу жұмыстары, сот шешімі болса, онда заң бойынша мен отставкаға беруге дайынмын. Ар жағы президент шешімі, қабылдайды, қабылдамайды. Сол кісі біледі, - дейді Атырау облысының әкімі Махамбет Досмұхамбетов.