Қазір полиция күдіктіні іздеп жатыр.
Фото: скриншот
ERNUR.KZ. Бүгін әлеуметтік желілерде Атыраудағы қорқынышты оқиғаның видеосы тарады: ақ киімдегі жігіт аулада ойнап отырған екі баланың жанына келіп, біреуін ұра жөнелген, деп жазады azattyq-ruhy.kz.
Оқиға орнына бір ересек адам келсе де баланы соққан жігітті ұстамай, жібере салған. Атырау полициясы қазір осы іске қатысты қылмыстық іс қозғап, күдіктіні іздеуге кіріскен.
«Атырау қаласындағы аулалардың бірінде 9 жастағы жасөспірімді ұрып-соғу дерегіне қылмыстық іс тіркелді. Полиция күдіктінің жеке басын анықтау үшін әрекет етіп жатыр. Бейнекамералардың жазбаларын зерделедік. Оқиғаның куәгерлерінен жауап алдық. Бала жеңіл жарақат алған», - деп хабарлайды Атырау полициясы.
![](/assets/thumbnails/19/19d617c56433629f5241003575018a95.jpg ""Жасау аламын" деп жөргекпұлымды алып қойды": жас келін енесінің ерсі әрекетін айтты")
